Grope Meressin 1993 m. ikūrė du bruolee - Žydrius "Hidra" Augulis (lead vocal / guitar) i
Darius "Žaltys" Augulis (bass guitar / vocal), priš ton gruojėn Hard Rock i Heavy Metal.

 

Pri anū prisijungė Modė Miceika (drums). Diel simpatiju senam Black Metal, bova nusprėsta korti
muzika, laikont Black Metal pagrindinė gropės kryptim. Meressin lyrika itakuota mistikas i
mitoluogijas.
1994 m. gropė irašė pėrma demo "Satan, Oro Te Reo, Portas Patere", anon išleida "Dangus Prod."
(MC). Nors tas darbs vadinams demo, nes ta pėrms gropės irašas, bėndra apimtim uns prilygst pilnam albumou.

 

1996 m. grupie ivyka muzikontu kaita: Žydrius "Hidra" (lead vocal / guitar), Darius "Žaltys" (bass guitar / vocal), Mindaugas Vizgaudis (guitar) ir Artūras "Debesis" Dargužis (drums) - tuokė sudietim Meressin sukūrė i irašė albuma "The Baphomet's Call", katron 1996 m. išleida
"Bomba Rec." (MC). Gropė aktyvee koncertava gyvaa (žymiausias fest's - "Death Comes"), surada nemažaa gerbieju. Gropės vadyba tvarke Sėkla. Meressin muzikas skombesie atsirada nemažaa Thrash, Heavy, Occult metala elemėntu.

1997 m. bova sukorts "Mask" albums. Uns irašyts 24 takieliu "Tango" studijuo. Albuma išleida "LNK Rec." (CD / MC). Tas darbs bova onkstesnės Meressin stilistikas i ideologijas tesinys.

 

 

Esminee puokytee ivyka 1998 m. Grope palėka viens ėš anuos ikūrieju bosists Darius "Žaltys" i gitarists Mindaugas Vizgaudis. Sėkla tep pat palėka Meressin. Keities gropės ideoluogija i stilius. Gropė nikada nevėngė experimėntu muzikuo, dėl kuo kartaas yr prieštaringaa vertinama.

 

Netrokus bruolee Gedas (bass guitar) i Mindė (r. guitar / vocal) Zdanavičiai prisijungė pri Meressin. Tou metu gropės stilius bova apibūdinams kap Pagan/Heavy/Black/Rock'n'roll, trumpiau – Black'n'Roll, lyrika atlėiktama Lietuviu (kartaas Žemaitiu) kalba, atsirada Folk elemėntu. Meressin ideoluogijas kertinis akmuo tapa Pagonybe, katra tor ypatinga reikšme i šindėininie gropės veikluo.

1999 m. irašyts (live) i išleists singls "Pasiutę Šunys" ("Dangus Prod." (MC))
2000 m. irašuoms pėlns albums "Alkis". Albuma 2001m. išleida "Dangus Prod"(CD / MC)
2001 m. vasara sukortas pėrms Meressin video klips "Ašmenys".
Taas pačes metaas Meressin palėka visi naree. Lėka tik gropės ikūries Žydrius.
2002 - 2006 bova tomsiausi metaa Meressin istuorijuo. Gropė neoficialee bova išėrusi, bet darbs visgi vyka, nors i lėtaa, i nesklondžee. Meressin kartaas pasiruodydava gyvaa, padedama sesijiniu muzikontu. Bova paruošta medžiaga naujam albumou, bet ana tep i nebova irašyta diel nepastovoma i muzikontu kaituos. Galu galė diel tam tikru priežastiu gropės veikla bova ilgam sustabdyta...

 

2007 m. Meressin veikla po biski atnaujinama, atlėiktami onkstiesniu albumu remasteree. Albuma "The Baphomet's Call" CD formatu perleida "Inferna Profundus Rec." Nauja medžiaga tep pat ruošama i irašiniejama.

 

2009 m. pradžiuo gropė visiškaa atnaujinama, sudieti papėldė nauji naree. Žydrius "Hidra" Augulis (vocal /guitar), Valdas Venclova (drums), Endrius Bričkus (guitar), Audrius Magžauskas (bass guitar), Vitalijus "Šovinys" Praspaliauskas (percussion) – tuokė sudietim atgaivėnama gropė Meressin. Paruošama koncertine programa, o gropės sugryžėms ivyka "Kilkim Žaibu X" festivale metu 2009.06.13

Dabartini gropės stiliu gal apibūdinti kap "War Metal", lyrikuo vyraun karėnės temas, senūju dėivu i karžygiu ivaizdis. Vėskas atlėiktama autėntiška Žemaitiu kalba.

 


  Lt